Velkommen til Universitetet i Søraust-Noreg
USN er universitetet nær deg. Vi tilbyr utdanning og moglegheiter der du er – i landet og i livet.
Universitetet vårt tilbyr profesjons- og arbeidslivsretta utdanningar. Hos oss møter du innovativ undervisning og utfordrande studiar som gir deg kompetansen samfunnet og arbeidslivet treng. Vi har også framifrå fagmiljø og forsking på høgt internasjonalt nivå.
Som student på USN kan du velje mellom heiltid, deltid, campusbasert og nettbaserte studietilbod. Vi har over 300 studiar fordelte på bachelor- og masterløp, inkludert næringsbachelor og industrimaster, som kombinerer studiar og lønte arbeid. USN tilbyr høgaste vitskaplege grad – doktorgrad eller ph.d. – innan seks fagområde. For deg som treng omskolering eller vil byggje vidare på ei utdanning, har USN fleire etter- og vidareutdanningar.
USN er resultatet av fusjonar mellom tidlegare høgskular. Høgskolen i Søraust-Noreg vart danna 1. januar 2016 då Høyskolen i Buskerud og Vestfold fusjonerte med Høyskolen i Telemark. Den tidlegare høgskulen fekk universitetsstatus i 2018. Rektoren vår heiter Pia Cecilie Bing-Jonsson.